پاکستان کے معروف اداکار
پاکستان کے معروف اداکار آغا علی نے اپنی نجی زندگی اور تعلقات سے متعلق اہم مؤقف اختیار کرتے ہوئے کہا ہے کہ اب وہ اپنی ذاتی زندگی یا رشتوں کو سوشل میڈیا پر کبھی عوامی نہیں بنائیں گے۔
نجی ٹی وی کے ایک پروگرام میں گفتگو کرتے ہوئے آغا علی نے کہا کہ ایک وقت تھا جب انہیں اپنی ذاتی زندگی پر ہونے والے عوامی تبصرے بالکل پسند نہیں تھے، اسی تجربے کے بعد انہوں نے فیصلہ کیا کہ آئندہ اپنے تعلقات کو عوامی نہیں کریں گے۔
انہوں نے کہا کہ کسی بھی تعلق میں صرف ایک نہیں بلکہ دو افراد شامل ہوتے ہیں، اس لیے شادی سے پہلے ایسے معاملات کو سوشل میڈیا پر لانا درست نہیں۔ البتہ نکاح کے بعد وہ اپنی شادی کا باقاعدہ اور فخر کے ساتھ اعلان ضرور کریں گے کیونکہ نکاح ایک مقدس رشتہ ہے۔
آغا علی کا کہنا تھا کہ آج کل سوشل میڈیا پر لوگ دوسروں کے تعلقات پر تبصرے اور تنقید میں زیادہ مصروف رہتے ہیں، جبکہ ہر شخص کو اپنی نجی زندگی اپنی مرضی سے گزارنے کا حق حاصل ہے۔
اداکار نے واضح کیا کہ اگرچہ کچھ لوگ اپنی ذاتی زندگی عوام کے ساتھ شیئر کر کے مطمئن ہوتے ہیں، لیکن وہ اس طرزِ عمل سے اتفاق نہیں کرتے۔
یاد رہے کہ آغا علی ماضی میں اداکارہ سارہ خان کے ساتھ تعلقات اور بعد ازاں اپنی ازدواجی زندگی کے حوالے سے بھی خبروں میں رہے، تاہم وہ متعدد بار کہہ چکے ہیں کہ اپنی ذاتی زندگی پر ہونے والی عوامی بحث کو پسند نہیں کرتے۔
- آپ کے خیال میں کیا فنکاروں کو اپنی نجی زندگی سوشل میڈیا سے دور رکھنی چاہیے؟